ШЕТ ТІЛІН ОҚЫТУДА КЕЙС СТАДИ КОММУНИКАТИВТІК ДАҒДЫНЫ ҚАЛЫПТАСТЫРУШЫ ИНТЕРАКТИВТІ ӘДІС РЕТІНДЕ
##plugins.pubIds.doi.readerDisplayName##:
https://doi.org/10.48371/PHILS.2025.1.76.030Кілт сөздер:
кейс-стади, тілді меңгеру, коммуникативтік дағды, интерактивті әдіс, ынтымақтастықта жұмыс жасау, демо-кейс, интерактивті кейс, шешімдер, мәдениетаралық коммуникация, аутенттік материалдарАннотация
Зерттеп отырған мақалада студенттердің коммуникативтік дағдыларын қалыптастырудағы интерактивті әдіс ретінде кейс-стади әдісінің ерекшеліктері мен маңызы қарастырылған. Мақалада кейс-стадидің тілді оқыту үдерісіндегі рөлі, сипаттамалық ерекшеліктері, түрлері, құрылымы мен технологиялары қарастырылады.
Зерттеу жұмысының мақсаты кейс-стади ерекшеліктерін талдау және оны студенттердің коммуникативтік дағдыларын қалыптастыратын интерактивті әдіс ретінде пайдалануды ұсыну. Бұл мақалада авторлар кейс-стади тәсіліне анықтама береді, негізгі түрлерін, сипатын, кезеңдерін, кейстерді орындауға қатысты бірқатар практикалық ұсыныстарды, кейс-стади әдісін қолдануда қалыптасатын құзыреттіліктерді, пайдаланудың жалпы технологияларын, артықшылықтары мен кемшіліктерін, оқу процесінде қолдануға арналған кейс тапсырмаларының үлгісін беруге тырысты.
Зерттеу әдістері сипаттамалық, салыстырмалы, аналитикалық және прагматикалық талдау болып табылады. Зерттеу әдістемесі – сипатталған тақырып бойынша бұрыннан бар идеяларды және осы саладағы маман ретіндегі жеке көзқарастарды талдауды зерттеу. Мақалада ағылшын тілін оқыту үдерісінде кейс-стадиді ұйымдастырудың мәні мен маңызды ерекшеліктері туралы толық практикалық мәселелер қарастырылған. Салыстыру және салғастыру арқылы технологиялар, кейс-стадидің артықшылықтары мен кемшіліктері анықталып, ұсынылды.
Зерттеу жұмысының ғылыми жаңалығы мен практикалық нәтижелері ретінде ағылшын тілін оқыту сабақтарында қолдану үшін кейс-стади тапсырмаларының бес үлгісі әзірленді. Зерттеу мақаласының қорытындысы ретінде біз кейс-стади студенттердің коммуникативтік дағдыларын дамытудың тиімді құралы болып табылатынын негіздейміз, өйткені бұл студенттердің нақты өмірлік жағдаяттарға негізделген сөйлеуді, талқылауды, сыни ойлауды және сыни рефлексияны дамытатын белсенді пікірталас және өзара әрекеттесу құралы.
