КӨПШІЛІК АЛДЫНДА СӨЗ СӨЙЛЕУ МЕН ПРЕЗЕНТАЦИЯ БЕРУДІ ҰЙЫМДАСТЫРУ, КӨПШІЛІК АЛДЫНДА СӨЗ СӨЙЛЕУ ДАҒДЫЛАРЫН ШЫҢДАУ

Аннотация

Қарастырылып отырған мақалада көпшілік алдында сөз сөйлеу тәсілдері немесе әдістері туралы айтылады. Бұл мақалада көпшілік алдында сөз сөйлеу мен көпшілік алдында презентация беру анықтамалары, екі ұғымның саралану ерекшеліктері, көпшілік алдында сөйлеу мен презентацияны ерекше ететін практикалық ұсыныстар, көпшілік алдында сөйлеу дағдыларын дамыту жолдары қарастырылған. Көпшілік алдында сөз сөйлеу оңай шаруа емес, біз бұл дағдыны шыңдап, белгілі бір жетілдіру әдістерін үйренуіміз керек, көпшілік алдында сөз сөйлеу мен презентацияны ұйымдастырудың әлемдік тәжірибесінен хабардар болуымыз қажет. Біз көпшілік алдында сөз сөйлеу және презентация беру терминдерін бір-бірімен байланысты синонимдік ұғым ретінде қолданып жүрміз. Дегенменде олардың әрқайсысына тән кейбір айырмашылықтары бар. Берілген мақаланы жазудағы біздің міндеттеріміздің бірі – олардың мәнін анықтау, айырым белгілерін көрсету.

Зерттеу нәтижесінде авторлар көпшілік алдында сөйлеу мен презентацияны тиімді ұйымдастыру үшін бірқатар практикалық кеңестер мен ұсыныстар береді. Көпшілікке арналған презентацияларды ұйымдастырудың көптеген әдістері бар, бірақ біздің міндетіміз - өз тәжірибемізден таңдалған және жұмыс істейтін ең тиімділерін ұсыну.

Зерттеу әдістері сипаттамалық, салыстырмалы, аналитикалық және прагматикалық талдау болып табылады. Зерттеу әдістемесі – сипатталған тақырып бойынша бұрыннан бар идеяларды және осы саладағы маман ретіндегі жеке көзқарастарды талдауды зерттеу. Мақалада көпшілік алдында сөз сөйлеудің мәні, функциялары, сипаттамалық ерекшеліктері және студенттеріміз үшін көпшілік алдында сөз сөйлеуді тиімді ұйымдастыруға арналған кеңестер толығымен практикалық мәселелер қарастырылған. Авторлар студенттерге әртүрлі жағдайларда жақсы қарым-қатынас жасау үшін көпшілік алдында сөз сөйлеуді ұйымдастыру және үйрету туралы өздерінің кәсіби көзқарастарын береді.