ПОЛЕМИКА ЖӘНЕ ПОЛЕМИКАЛЫҚ ДИСКУРСТЫ ЗЕРТТЕУГЕ ҚАЗІРГІ ЗАМАНҒЫ ҚАТЫСЫМДАР

Аннотация

Мақала полемикалық дискурсты және жалпы полемика ұғымын зерттеу тәсілдерін анықтауға арналған. «Полемика» ұғымы тіл білімі және мәдениеттану пәндерінің тұрғысынан, ағылшын және орыс тіліндегі анықтамаларды ескере отырып қарастырылады. Ағылшын тілінде полемика негізінен жазбаша аргументация мағынасын білдіреді. Орыс тіліндегі анықтама пікірталас пен дискуссияларды, коммуникативті жағдайлардың кең ауқымын қамтиды. Жазбаша полемиканың тарихи дамуы зерттеледі. Полемика орта ғасырлардағы діни пікірталастардан басталады. Ерте замандардағы полемиканың тілі агрессивті, дәлелдері біржақты болған, қарама-қарсы көзқарастар ескерілмеген. Осындай пікірталастардың қалыптасуында аударма жұмысы үлкен рөл ойнады, себебі тілдік кедергілер өзара түсіністікке жол бермеді. Уақыт өте келе біршама өзгеріс болды, дегенмен қазіргі заманғы жазбаша полемика да субъективті және агрессивті болып қала береді. Қазіргі заманғы полемика сонымен қатар ирония, сатира және гротеск элементтерін қамтиды. Мақаланың ғылыми жаңалығы – зерттеудегі екіжақтылыққа себеп бола алатын мәдени аспектілерді есепке ала отырып, полемикалық дискурсты әртүрлі қатысымдар арқылы қарастыру. Мақала теориялық талдау және салыстыру әдістерін пайдалана отырып, полемикаға қатысты зерттеулердің жиынтығын қарастырады, полемиканың күрделілігі мен дамуы туралы түсінік береді. Зерттеу нәтижелерінің практикалық және теориялық маңызы мақаланың коммуникативті стратегиялар және мәдениетаралық коммуникацияға әсер ететін аса маңызды ұғым – полемикалық дискурсты түсінуге қосып отырған үлесіне байланысты.