БҰҚАРАЛЫҚ АҚПАРАТ ҚҰРАЛДАРЫНДА ДӘРІГЕРДІҢ БЕЙНЕСІН ЖАСАУДЫҢ ТІЛДІК ҚҰРАЛДАРЫ
##plugins.pubIds.doi.readerDisplayName##:
https://doi.org/10.48371/PHILS.2024.72.1.019Кілт сөздер:
дәрігердің имиджі, БАҚ, стилистикалық талдау, идиомалар,, фразеологиялық бірліктер, стилистикалық әдістер, метафора, эпитет, инверсия, гипербола, салыстыру, эпифораАннотация
Бұл мақалада бұқаралық ақпарат құралдарында медицина қызметкерінің бейнесін жасау кезіндегі тілдік құралдарды қолдану ерекшеліктері қарастырылады.
Бүгінгі таңда бұқаралық ақпарат құралдарында медицина, соның ішінде дәрігерлер туралы әр түрлі ақпараттар беріледі. Алайда, шетелдік және отандық БАҚ-та қалыптасқан дәрігердің жинақталған бейнесі белгілі бір дәрежеде түрленеді. Мақалада медицина қызметкерінің бейнесін жасау кезіндегі БАҚ тілінің тілдік әр түрлілігі, сондай-ақ Қазақстанда және шетелде медиа контентті тұтынушыларда қандай түсінік қалыптасатыны зерттеледі. Бұл зерттеу бүгінгі күні өзекті, өйткені қазіргі қазақ лингвистикалық ғылымы мәдени әр түрліліктің бірнеше құрамдас бөліктерінің түйіскен жерінде медицина шеңберіндегі лингвистикалық аспектілерді салыстырмалы талдауды және зерттеуді қажет етеді. Сондай-ақ, бұл зерттеу, ең алдымен, жалпы медицинаға деген көзқарас жүйесінің өзгеруіне байланысты өзекті.
Жұмыс барысында ағылшын және қазақстандық дереккөздерден алынған жаңалықтар мақалаларына стилистикалық талдау жүргізілді. Жаңалықтар мақалаларын таңдаудың негізгі алғышарты қоғамның қазіргі уақытта басым бұқаралық ақпарат құралдары болып табылатын және соның нәтижесінде адамдардың санасына әсер ететін жаңалықтар мен кинохроника арқылы ақпаратты тұтынуы болды. Зерттеу нәтижелері, ең алдымен, отандық лингвистика саласында қолданылуы мүмкін, нәтижесінде атауы бір оқулық жиналып, жариялануы мүмкін.
