АҒЫЛШЫН ТІЛІНІҢ ӘСЕРІ: БАҚ ТАҚЫРЫПАТТАРЫ МЕН АНГЛИЦИЗМДЕР ҚАЗАҚ ЖАСТАРЫНЫҢ ТІЛІ МЕН МӘДЕНИЕТТІ ҚАБЫЛДАУЫН ҚАЛЫПТАСТЫРУ
##plugins.pubIds.doi.readerDisplayName##:
https://doi.org/10.48371/PHILS.2025.4.79.006Кілт сөздер:
тіл таңдау, медиа әсерлері, қазақ медиасы, кірме сөздер, кодты ауыстыру, англицизмдер, коммуникация, тақырыптарАннотация
Бұл зерттеу ағылшын тілінің жаһандық тіл ретіндегі ықпалының, әсіресе Қазақстандағы ағылшын тілді емес қоғамдарға әсерін қарастырады. Жаһандану дәуірінде қазақ медиасында ағылшын тіліндегі тақырыптар мен англицизмдердің кеңінен қолданылуы жастардың тілдік әдеттеріне, мәдени құндылықтарына және өзіндік бірегейлігіне айтарлықтай ықпал етті. Зерттеу мақсаты – ағылшын тіліндегі БАҚ атаулары мен англицизмдерді қолданудың қазақ жастарының тіліне, болмысына және мәдениетіне әсерін, сондай-ақ ағылшын тілінің олардың тілдік дағдыларына, мәдени бағдарларына және жаһандануға деген көзқарасына қаншалықты ықпал ететінін анықтау. Зерттеу барысында аралас әдіс қолданылды: 28–33 жас аралығындағы 35 қатысушыға сауалнама жүргізіліп, 15 респондентпен тереңдетілген сұхбат алынды. Сауалнама ағылшын тіліндегі медиаға әсер ету деңгейін, англицизмдерді қолдану жиілігін және мәдени сәйкестікке деген көзқарасты анықтады, ал сұхбаттар жеке тәжірибе туралы толық мәлімет берді. Сонымен қатар, телебағдарламаларға, онлайн жаңалықтарға және әлеуметтік желілерге контент-талдау жүргізіліп, қазақ медиасында ағылшын тілін қолдану үрдістері анықталды. Зерттеу нәтижелері ағылшын тілінің екіжақты рөлін көрсетеді: бір жағынан – жаһандық интеграция құралы, екінші жағынан – ұлттық тілді сақтауға әсер ететін фактор. Бұл қорытындылар саясаткерлерге, педагогтарға және медиа мамандарына халықаралық ашықтықты қазақ тілдік және мәдени мұрасын қорғаумен үйлестіру жолдарын анықтауда көмек бола алады.
